వెంకయ్య వల్లే బాబును దూరం పెడ్తున్న మోడీ!

ప్రధాని మోడీకి - ఏపీ సీఎం చంద్రబాబుకు మధ్య దూరం పెరుగుతుందా? ఇద్దరి మధ్య అంతరం అంతకంతకూ విస్తరిస్తుందా? చంద్రబాబు తీరుపై ప్రధాని ఆగ్రహంతో ఉన్నారా?.. రాష్ట్రానికి కేంద్రం నిధులు ఇవ్వకున్నా మోడీని అమాంతం ఆకాశానికి ఎత్తే బాబుని... సభలల్లో ప్రత్యేకంగా కలిసినా పెద్దగా పలకరింపుల్లేకుండా... ఉండటంలాంటివి మోడీకి.. బాబుకు మధ్య దూరాన్ని తేటతెల్లం చేస్తోందని అంటున్నారు.

ఏపీ సీఎం వైఖరి వల్లే కొత్త రాష్ట్రానికి ప్రత్యేక హోదా ఆలస్యం అవుతుందన్న చంద్రబాబు పలుమార్లు ఢిల్లీ పర్యటనలో ఉన్నప్పుడు మోడీని నేరుగా కలవకుండా సంబంధిత మంత్రులను కలిసి రావటం కూడా ఒక కారణంగా చెప్పుకుంటున్నారు. ఇవన్ని చూస్తుంటే. మిత్రుల మధ్య లెక్కల్లో ఎక్కడో తేడానే వచ్చినట్లే కనిపిస్తోందంటారు రాజకీయ విశ్లేషకులు.

వీరిద్దరి మధ్య తేడాతో పాటు... వెంకయ్యనాయుడిని కూడా మోడీ పెద్దగా పట్టించుకోవట్లేదనీ ఆయన మాటల్ని ఎక్కవగా పరిగణనలోకి తీసుకున్నట్టు కనిపించట్లేదన్న టాక్ కూడా ఉంది. నిజానికి వెంకయ్యకు చంద్రబాబును మంచి సాన్నిహిత్యం ఉంది.